A capizzi prima c'era un sulu tratturi
chi si sintia di luntanu pi u scrusciu di u muturi;

pi tutti eri lu tratturi di u Mamminu
carriavi stierru e farina o sa mulinu;

quannu passava di ne strati
i carusi si ci pizzannu na li lati;

e lu ziu Bastianu rallintava
a nun farli struppiari pinsava;

eru un juocu pi tutti i carusi
macari pi chiddi ranni chi erunu camurriusi;

li tiempi canciarunu, i mezzi si rinnuvarunu
e i cristiani tutti si motorizzarunu;

du tratturi fui ittatu na un fussuni
ora nun si vidi,ma è ancora o pizzu i baruni;

i sordi da CEE cuminciarunu a rivari
e i mezzi nuovi cuminciarune a circulari;

chiddu c'avia a mula sciancata
ora javi a gippi fuoristrata;

e chiddi chi naviennu i sordi pi manciari
ora ci l'hannu pi strafari;

a duminica a pedi nun si po caminari
pirchì di tanti machini ta vardari;

su turnassi u ziu Bastianu di du munnu
vidissi cuomu si tuccau u funnu;