U forumu comu veni chiamatu
lu leggi quasi tuttu lu paisi,
di corcadunu e' criticatu,
si dicinu cun mantinni li prumisi.

Vuonnu sapiri cu eni chistu o chiddu
chi dicinu sti cosi strampalati
!...chistu mi pari cumpari turiddu",
"...turiddu cui? di li rialati!".

Ognunu scrivi la propria mistura,
pi cunsari li cosi chi nun vannu
si sbagghia quasi sempri la misura.
e si cci prova di cchiassai d'unannu.

Tutti scrivimu. si s'avi stu strumentu;
pirsuni fini e corchi maliducatu.
pi scriviri s'aspetta lu mumentu.
quannu lu cuosto e' chiu' risicatu.

Nni sciarriamu tra niautri paisani,
cuomu fannu li mariti e li mugghieri,
divintamu raggiati cuomu i cani
quannu s'intromettinu..cuomu a ieri.

Nto mienzu di tutta sta marmagghia
scrivinu macari tanti fimmineddi.
nta na lavata i piatti e na magghia
o mpiccicari ddi quattru funneddi.

Cunchiudu daccussi' lu me discursu,
nun v'avi antirissari cue' chi sugnu
staiu nto chianu cuomu nta lu cursu
e pi salutu iapru e chiudu u pugnu.