SAN VALINTINU



Si trova sempri lu mumentu adattu
pi scriviri li versi ch'ai nta testa,
basta pinzari sulamenti a un fattu
chi capita macari pi na festa.

A festa di stu cuntu è d'un biatu,
ntisu di tutti Santu Valintinu,
parla di cu è tantu nnamuratu,
basta nun'essiri monicu o parrinu.

Ancora si festeggia sta iurnata
cuomu si fussi na ran ricorrenza
u nnamuratu cu l'innamurata
cu n'avi a nuddu pinitenza.

C'invitinu a tutti o consumismu,
li mezzi di cu era a lu guvernu
e nta cunzigghi e fatti di razzismu,
"tutti ata spenniri" macari uPatraternu.

lu zitu a la zita. Sciuttu sciuttu
dici c'è poca trippa pi lu iattu,
e lu mumentu nun'è chiddu adattu,
e sulunciuri è chiddu chi ti ccattu.

Sanna convinciri sti nostri cumannanti,
chi la ricchezza nun'è tutta stissa,
nun basta la passioni pi l'amanti
senza munita nun si canta missa.