Attia bedda picciotta chi mi spiri
a scriviri sti versi ppassiunati,
cerca ogni tantu di fariti vidiri
vegnu apposta pi li to cuntrati.

Vidennumi passari tantu spissu
la genti si mittiu a murmuriari,
mi sentu propriu comun crucifissu
cu lu distinu chi taiu a maritari.

Cu sapi chi si pensa chi ci fui
dda sira quannu fui du fistinu,
nun sapi chi a vardari a tutti dui
ci pinsaru to frati e to cucinu.

N’amicu a menza botta, propriu ieri
mi dissi di niiautri li trami.
mi sentu comu un cani di uccieri
chinu di sangu e… mortu di fami.