Ci su chiddi chi partieru pa Capitali
Iautru chi ieru all’Australi
Chiossai divintaru germanisi
Unu sulu turnau duoppu un misi

Ma quannu i pienzi chiù luntani
Su gienti chi divanturu miricani
Misiru na lu quartieri canadisi
Nsò chi ci mancava di lu paisi

Sapimu, di quannu mannunu la posta,
Chi San Gnapucu fa da' 'na sosta
Su mittunu macari iddi su li spaddi
Fannu a prucissioni, gira li vaneddi

La vara è fatta nminiatura
Nni mannunu la cassetta cu primura
Di li lacrimi la taliamu ffannati
pi la ducizza chi fannu l'emigrati

Lu destinu è na li manu du Signuri:
all'omu nsò chi na lu cori senti
e l'emigranti senti sulu l'amuri
è Capizzuotu! A quali Merica e cuntinenti