Di carusi jucammu cu carruzzuni
Pi pistola ni faciemmu u muschittuni;

pi piscina c’era a urna di sciumianu
pi parcu giochi aviemmu u chianu;

ah chi bieddi jucati chi ummi e i firricchi
ancora sientu u scruscio ne ricchi,

jucammu e mucci darrieri a cantunera
o nto chianu a latri e carrabbinera,

e siccome erumu carusi, nu jemmu a cannedda
ni faciemmu a ntrata d’auru ca scecca senza sedda;

quannu viniennu i cosaduciari pi festi
curriemmu a cattari u tirruni lesti lesti;

e na chiddu cu nu razzu o sparammo ca carrubina
pi pruari cu avia a mira chiù fina;

quannu faciemmu a guerra ntra i quartieri
nun si usannu i buoni maneri;

quannu nevicava erumu tutti priati
a scola nun ci jemmu, ristammu curcati;

cu si po’scurdari i lochi o castieddu
o i casi chi jaddini e u purcieddu;

ora chi simu na cinquantina
ni veni scarsu rampari a matina;

taliamu i nostri figgi chi sunnu ranni
e a nui ni cuminciunu a veniri i malanni;

u passatu quannu si passa nun tantu piaci
no prisenti ci si pensa e ni dispiaci.