A funtanella

di Al Gio e Gia
Quantu è bella quantu è bella,
a Capizzi a funtanella;

no nostru paisi ni luaru i cosi belli,
e u inchiaru chinu di funtanelli;

u papà eppi na bedda fantasia,
e ni misi una vicinu a casa mia;

ni musiru una macari na sa pista,
chi sulu sulu a talialla fa na bedda vista;

una eni misa a scinnuta da cabina,
in casu di guastu c'è a funtanella vicina;

quannu iavi sordi a disposizioni,
metti na funtanella pi soddisfazioni;

i sa licchini quannu u vidinu spuntari,
ci ppuzzinu no ruggiu pi fallu priari;

si la bivinu chi ci pari pitittusa,
nun sapiannu chi ssa iacqua eni fitusa;

i ficiru tutti di petra locali,
e iannu a forma di fonti battesimali;

a cunti fatti su cosi purcariusi,
pirchì servinu sulu a iucarici i carusi;

nun servinu propriu a nenti,
sulu pu piaciri di llacari e genti.

ma appena speddi a staciunata,
uliti vidiri chi a fantanella eni sfasciata?

da maladucazioni cerchinu sempri a scusa,
pi spenniri iautri sordi e teniri l'acqua chiusa.