Un gnuornu quannu finisci la me vita
vurria purtarimi appressu certi cosi:
un mazzu i carti pi fari na partita,
sti fuogghi i carta pi leggiri sti prosi.

Speru di iri unna nun si fa nenti,
passari li iurnati ncumpagnia
cu tantamici e quarchi parenti,
riurdari li fatti, ma senza nustalgia.

Cu sapi si pi casu di ddi parti
ci sunnu certi amici veri,
macari nun ci piacianu li carti,
pirchì nta la so vita foru seri.

Si viu a me patri ci vulissi diri:
u brazzassi...nun mi veni parola.
Pirchì sta rima tarda a viniri?
forsi è u ruppu chi iaiu nta gola!!